अमेरिका के कैलफोर्निया में भी घनश्यम शुक्ल के व्यक्तित्व व कृतित्व पर हो रही है चर्चा
आलेख ः तरूण कैलाश जी‚ कैलफोर्निया‚ अमेरिका
श्रीनारद मीडिया‚ सेंट्रल डेस्कः
परम आदरणीय गुरूजी (स्व. श्री घनश्याम शुक्ल जी) से हमनी के सपरिवार (स्वस्ति, श्रेया, पौरुष आ हम) मिले से सौभाग ५ अगस्त २०१८ में मिलल रहे। ओह बरिस स्वस्ति के भारत आगमन प, आखर परिवार पंजवार गाँव में एगो स्वागत समारोह आ संस्कार गीतन के आयोजन कइले रहे। दुआर प चहुँपते के साथ ई केहु के चिन्हावे के ना पड़ल कि गुरुजी के हईं – ऊहाँ के सहज, सरल, स्नेहिल सोभाव ही परिचय रहे। हाली दे चाह-नस्ता-पानी के इंन्तज़ाम में लाग गईनीं।
– तीली में हेने आ तीली में होने – मने बुझात रहे कि ऊहाँ के हमनी के अपना पपनी प बइठा देब। हरियर बगइचा, चाँपाकल से ऊहाँ के पूरा हाता अइसन गहगह भईल रहे कि स्वस्ति के अपना लइकाईं प के बगइचा में अमरूद तूड़े के आदत उपट पड़ल। तले का देखतारी कि गुरुजी अपना हाथे छिपा माँजत बानीं आ कतनो कहला प हमनी के हाथो ना लगावे दीहनीं – ओह!
अतना ऊहाँ के ममत्व के भाव में ऊतराईल रहनीं। ऊहाँ के द्वारा स्थापित संगीत महाविद्यालय में घुसते अस शांति मिलल कि तबला प हाथ कब चले लागल, पते ना चलल। आ हँ बेटी लेखा बिदाईये ना भईल, साथे साथ दोहरावन मिले के सुअवसर मिलल जब ऊहाँ के अगिला कार्यक्रम में आरा आगमन भईल त भगवान के किरपा से मिले के अवसर त मिलले रहे।
एह बरिस बे बतवले पंजवार चहुँप के “surprise” देबे के योजना बनावत रहनीं, बाकिर मनहूस ख़बर मिल गईल कि ऊहाँ के अब नईखीं…
ऊहाँ के सतकर्म आ सनमार्ग हरमेसा ध्यान रहे, भगवान से ईहे हथजोड़ी बा।
यह भी पढ़े
इत्र कारोबारी पीयूष जैन गिरफ्तार, छापेमारी में करीब 280 करोड़ रुपये नकद बरामद.
मैरवा के कविता में कालभैरव का मासिक पूजा अर्चना आयोजित
शुक्ल जी स्कूल का नाम बदलिये !
किसान पाठशाला में हुआ मशरूम उत्पादक का किट का वितरण
