भोजपुरी के पहिला उपन्यासकार रामनाथ पांडेय जी के नमन.
श्रीनारद मीडिया सेंट्रल डेस्क
जयंती प विशेष
जनमतिथि : 8 जून 1924
पुण्यतिथि : 16 जून 2006
आखर परिवार, भोजपुरी के पहिला उपन्यासकार आ भोजपुरी भाषा-साहित्य खातिर आपन सबकुछ नेछावर करे वाला महान भोजपुरिया रामनाथ पाण्डेय जी के जयंती प बेर बेर नमन क रहल बा ।
पता : नवतन , एकमा / रतनपूरा , छपरा , बिहार
शिक्षा : स्नातक
लेखन : शुरुवाती समय में हिंदी में लेखन बाद में मातृभाषा भोजपुरी खातिर समर्पण
हिंदी :
उपन्यास : वह वेश्या थी , फूल झड़ गया भौंरा रो पड़ा , नई जिन्दगी नया जमाना ( कुल्ह 12 गो उपन्यास )
हिन्दी में तीन गो कविता संग्रह भी प्रकाशित भइल बा ।
भोजपुरी :
उपन्यास – बिंदिया , जिनगी के राह , महेन्दर मिसीर , इमरीतिया काकी , आधे-आध
[ बिंदिया , भोजपुरी के पहिला उपन्यास ह जवन 1956 में प्रकाशित भइल रहे । एह उपन्यास के बड़ाई हिंदी भोजपुरी आ तीस से उपर भाषा के जानकार राहुल सांकृत्यायन जी कइले रहनी ]
कहानी संग्रह : सतवंती , देस के पुकार पर , अन्हरिया छपिटात रहे
भोजपुरी के पत्रिका के सम्पादन , सह-सम्पादन कइनी , भोजपुरी के पहिला बाल-पत्रिका ‘ नवनिहाल ‘ के सम्पादन आ प्रकासन के श्रेय रामनाथ पांडेय जी के जाला ।
रामनाथ पांडे जी , भोजपुरी भाषा आ साहित्य में ना खाली अपना लेखन से बलुक सम्पादन आ प्रकाशन के माध्यम से कई दसक ले अदभुत काम क के गइल बानी । खास क के , भोजपुरी में पहिला उपन्यास , भोजपुरी में पहिला बाल-पत्रिका , भोजपुरी में पहिला समीक्षा-पत्रिका ‘ कसउटी ‘ के प्रकाशन आ राहुल सांकृत्यायन के बाद महिला सशक्तिकरण प पुरजोर गहिराह लेखन के काम कइले बानी ।
भारतीय जनता पार्टी के कला एवँ साहित्य निर्माण मंच से जुड़ल रहनी आ सारण जिला के अध्यक्ष रहनी , सारण जिला भोजपुरी साहित्य सम्मेलन के अध्यक्ष रहनी । अनेकन पुरस्कार से सम्मानित रामनाथ पांडेय जी निरंतर भोजपुरी भाषा आ साहित्य के सेवा में लागल रहनी ।
आज रामनाथ पांडेय जी के जयंती ह , आखर परिवार अपना महान साहित्यकार आ भोजपुरिया गौरव के बेर-बेर नमन करत बानी आ हमनी के पुरा विश्वास बा कि वर्तमान पीढी आ आवे वाली पीढी इँहा के लेखनी से निकलल साहित्यिक धार में अपना के भींजा के राखी ।
भोजपुरी किताबिन के सबसे बड़ डिजिटल ठेहा ‘ भोजपुरी साहित्यांगन ‘ प पढी / डाउनलोड करी रामनाथ पांडेय जी के लिखल 6 गो किताब ।
1- बिंदिया : भोजपुरी के पहिला उपन्यास
http://bhojpurisahityangan.com/..
2- आधे – आध : भोजपुरी उपन्यास
http://bhojpurisahityangan.com/…
3- इमरितिया काकी : भोजपुरी उपन्यास
http://bhojpurisahityangan.com/…
4- अन्हरिया छपिटात रहे : भोजपुरी कहानी-संग्रह
http://bhojpurisahityangan.com/…
5- देस के पुकार पर : भोजपुरी कहानी-संग्रह
http://bhojpurisahityangan.com/…
6- सतवन्ती : भोजपुरी कहानी संग्रह
http://bhojpurisahityangan.com/…
अपना महान साहित्यकार के आखर परिवार बेर बेर नमन क रहल बा ।
आभार-विमलेन्दु कुमार पाण्डेय
ये भी पढ़े….
- विधुत विभाग की लापरवाही की सजा भुगत रहे है ग्रामीण
- हाई वोल्टेज तार की चपेट में आने से अधेड़ की मौत
- किसानों के बीच वितरित किया गयाअनुदानित दर पर धान का बीज
- भाजपा से मुकाबला के लिए देश भर में होगा तृणमूल कांग्रेस का विस्तार-अभिषेक बनर्जी.
- कुड़वा में सती माई की जमीन को खाली कराने के लिए ग्रामीणों ने किया सड़क जाम
- भाजयुमो जिलाध्यक्ष ने कोरोना महामारी से मृत लोगों के परिजनों से मिलकर शोक संवेदना व्यक्त किया
